ལེགས་བཤད།
རིག་པ་གླེགས་བམ་ལ་གནས་དང་།།
མ་བསྒྲུབས་པ་ཡི་གསང་སྔགས་དང་།།
བརྗེད་ངེས་ཅན་གྱི་བསླབ་པ་རྣམས།།
དགོས་པའི་ཚེ་ན་སླུ་བ་མང་།།
བསོད་ནམས་ཤུགས་ཀྱིས་དོན་བསྒྲུབ་པ།།
མར་མེའི་འོད་བཞིན་ལྟོས་པ་མེད།།
འབད་པའི་ཤུགས་ཀྱིས་དོན་བསྒྲུབ་པ།།
ཉི་མའི་འོད་བཞིན་ཀུན་ལ་ལྟོས།།
སྐྱེ་བ་སྔ་མར་མ་བསླབས་པས།།
ཚེ་འདིར་བླུན་པོར་མཐོང་ནས་ནི།།
ཕྱི་མར་བླུན་པོར་སྐྱེ་དོགས་པས།།
ཚེ་འདིར་དཀའ་ཡང་འབད་དེ་ཉན།།
རྒྱུ་འབྲས་བསླུ་བ་མེད་པ་འདི།།
ཐམས་ཅད་མཁྱེན་པའི་ཁྱད་ཆོས་ཡིན།།
མ་བསླབས་པ་ལ་ཀུན་མཁྱེན་དུ།།
འགྲོ་ན་རྒྱུ་འབྲས་ག་ལ་བདེན།།
《ས་སྐྱ་ལེགས་བཤད》ལས
༢༠༡༩-༥-༢༨